 |
| පේරාදෙණිය විශ්ව විද්යාලයේ සනාථන මන්දිරය |
පලමුවන වෛද්ය පීඨය ලෙස කොළඹ වෛද්ය විද්යාලය 1870 දී ආරම්භ වුණා. මේ විදිහට ආරම්භ වුණු කොළඹ වෙද විදුහල පසු කාලීනව බිහි වුණු 'ලංකා විශ්ව විද්යාලය' ( 1942 ජූනි 01 වැනිදා) සමග සම්බන්ධ වුණා.
මේ විදිහට ලංකාවේ විශ්ව විද්යාලය කියන සංකල්පය වර්ධනය වෙද්දී විශ්ව විද්යාල කිහිපයක් මුල් කාලීනව බිහි වුණා.
1942 - කොළඹ විශ්ව විද්යාලය
1949 - පේරාදෙණිය විශ්ව විද්යාලය
1959 - විද්යෝදය විශ්ව විද්යාලය
1959 - විද්යාලංකාර විශ්ව විද්යාලය
1972 - කටුබැද්ද විශ්ව විද්යාලය
1974 - යාපනය විශ්ව විද්යාලය
කාලයත් එක්ක මේවා විවිධ වෙනස්කම් වලට ලක් වෙලා වර්තමානයේ තියෙන විශ්ව විද්යාල 16 ඇතිවෙලා තියෙනවා.
මුල් කාලීනව විශ්ව විද්යාල වල පාඨමාලා ආරම්භ වුණේ 'ඔක්ස්ෆ'ඩ් , කේම්බ්රිජ්' විශ්ව විද්යාල වල වගේ සම්පූර්ණයෙන් ම නේවාසික පාඨමාලා විය යුතුයි යන පදනමේ සිටයි. ඒ අනුව 1952 දී පේරාදෙණියේ ගොඩනැගිලි තැනීම අවසන් කරලා 'ලංකා විශ්ව විද්යාලය' පේරාදෙණියට ගෙනගියා. වෛද්ය පීඨ හා විද්යා පීඨ හැර අනෙක් සියලු පීඨ පසු කාලීනව කොළඹ විශ්ව විද්යාලයට අනුබද්ධ වුණා.
1970 දශකය වෙනතුරු සියළුම සරසවි සිසුන්ට ආහාර ලබාදීම පවා 'නොමිලේ' සිදු කෙරුණා. සියළුම සිසුන්ට නේවාසිකාගාර ලබාදීම 1980 දශකයේ මුල් භාගය වෙනකං සිදු කෙරුණා.
ඉන්පසුව සිදු කෙරුණු අක්රමවත් ඉදි කිරීම් වගේම උග්ර ලෙස ප්රතිපාදන කප්පාදුව හේතුවෙන් මෙම පහසුකම් ක්රම ක්රමයෙන් නොසලකා හැර තිබේ. වර්තමානයේ සරසවි සිසුන් වන අප ට ලැබෙන පහසුකම් අපි සටන් කර දිනාගත් , සිසුන්ගේ කැපකිරීම් ඔස්සේ රැකගත් සම්පත් ය. එදා මෙන්ම අදත් නිදහස් අධ්යාපනය නැති කර අධ්යාපනය වෙළඳ භාණ්ඩයක් කරන්න සැරසෙන කුහක මිනිසුන්ගෙන් අඩුවක් ඇත්තේ නැත. අපි කියන්නේ ලංකාවේ නිදහස් අධ්යාපනයේ ආශීර්වාදයෙන් ඉගෙනගත්තු අපේ පණ නල තියෙනකන් එසේ කරන්නට ඉඩ නොදෙන බවය...
දැල්වූ නිදහසේ ඉගෙනුමෙ පහන් සිල
හොල්ලා නිවන්නට සැරසෙන අමන රැළ
පන්නා දමන්නට සටනට වැදුණු කල
ඉල්ලන්නේ 'ලේ' ද එහෙනම් ගනිව් බොල
No comments:
Post a Comment