නිදහස් අධ්යාපනයේ ආශිර්වාදයෙන් සරසවියේ සුවඳ විඳින අපේ ජීවිත වල ඇත්ත කතාව ඔබට කියන අපේ අඬහැරය තමයි 'වෙද සිසු හඬ'.'වෙද සිසු හඬ' හා හා පුරා කියලා පටන් ගත්තේ අද ඊයේ නෙවෙයි. 1988 මුද්රිත පුවත්පතක් විදිහට මෙය මුලින් ම එළිදැක්වුණා.
ප්රසිද්ධ මාධ්යය වලින් හංගන තිත්ත ඇත්ත සමාජෙට ගෙනියන ප්රබල මාධ්යයක් විදිහටත්, සමාජයේ සිදුවන අසාධාරණකම් වලට එරෙහිව නැගීසිටින සවිමත් පවුරක් විදිහටත් එදා 'වෙද සිසු හඬ' කටයුතු කලා.
සරසවි සිසුන්ගේ සිසු සටන් එක්ක නිරතුරුව බැඳී තිබුණු මේ පුවත්පත ඒ සටන් අභිමානවත් ලෙස ජයග්රහණය කරා මෙහෙයවන්නත් ප්රබල ආයුධයක් වුණා.
කාලයත් එක්ක යට ගියා වූ මේ පුවත්පත මූණු පොතේ පිටුවක් විදිහටත් බ්ලොග් අඩවියක් විදිහටත් අන්තර්ජාලයට එකතු වෙන්නේ කාලීන සමාජීය අවශ්යතාවයක ප්රතිඵලයක් විදිහටයි.ලංකාවේ ප්රධාන මාධ්යය වලින් අවහිර කරලා තියෙන 'ඇත්ත' , අවහිරයකින් තොරව සමාජයට ලබා දීමේ මාධ්යයක් විදිහට 'වෙද සිසු හඬ' කටයුතු කරනවා. ඒ වගේම සරසවි සිසුවාත් සමාජයත් යන්න දෙකක් නොව එකක් යන දේ පිලිබඳව කතිකාවතක් ගොඩ නගන්නත් 'වෙද සිසු හඬ' බලාපොරොත්තු වෙනවා.
ලංකාවේ සියලු ම විශ්ව විද්යාල වලින් 'වෙද සිසු හඬ'ට ලිපි එකතු කරන්නත්, සිංහල, දමිළ, ඉංග්රීසි යන භාෂා තුනෙන් ම ලිපි එකතු කරන්නත් 'වෙද සිසු හඬ' කටයුතු කරනවා.
අපේ ජීවිත වල ඇත්ත කතාවට ඔබත් සවන් දෙන්න... 'වෙද සිසු හඬ'
No comments:
Post a Comment