2015 ජනවාරි 24 වැනි සෙනසුරාදා පස්වරුවේ කොළඹ වෛද්ය පීඨ පිරිමි සිසු නේවාසිකාගාරයේ එක් ගොඩනැගිල්ලක සිව්වන මහලේ කාමරයක හදිසියේ ගින්නක් ඇති වුණි.මෙහි සිටි හතරවන වසරේ සිසුවා දිවි බේරාගෙන ඇත්තේ ගොඩනැගිල්ලේ බාහිරයෙන් අනෙක් පස කාමරයට ඉතා භයානක අන්දමින් පැනීමෙනි.
දැනට සැක කරන්නේ මෙම ගින්න විදුලි කාන්දුවකින් ඇති වූවක් ලෙසටය. නේවාසිකාගාරයේ විදුලි රැහැන් අනාරක්ෂිතව එලා ඇති අයුරු දැකීමෙන් ම මෙය පසක් වේ.
රජයෙන් අය කරන ගාස්තු වලට අමතරව 'නේවාසිකාගාර සංවර්ධන අරමුදල' නමින් මුදලක්ද අසාධාරණ ලෙස අය කළ බලධාරීන් එම මුදලින් සැබවින්ම නේවාසිකාගාරය සංවර්ධනය කළානම් මෙසේ සිදුවීමක් කිසි සේත්ම නොවීමට ඉඩ තිබුණි.
නේවාසිකාගාර පිළිබඳව ඉංජිනේරුවරයෙකු ද සිටින බව අප දැනගත්තේ මෙදින වන අතර මෙවන් නේවාසිකාගාරයක් පවතින බව ඉංජිනේරවරයා දැන ගන්නට ඇත්තේද මෙදිනම වන්නට ඇති බව අපට පසක් විය.මුදල් අය කිරීමට පමණක් මෙහි පැමිණෙන ඇතැම් පිරිස් මෙදිනද පැමිණ කිඹුල් කඳුලු හෙලා නැවත ගිය ද මීට පෙර ප්රශ්ණ ආකාරයටම මෙයද විසඳුමක් නොමැතිවම අමතක නොකරතැයි අපි විශ්වාස කරමු. කඩිනම් විසඳුමක් ලබා නොදුන හොත් කිසිදා ගිනි නොගන්නා 'වෙද සිසු හඬෙන් ' ඔවුන්ගේ තනතුරු ගිනි ගන්නා දිනය වැඩි ඈතක නොවන බව ඔවුන් දැන ගත යුතුය.
No comments:
Post a Comment